11 март Кембридж шәһәрендә Cambridge Central Asia Forum, Centre of Development Studies, Cambridge University Kazakh Society, Cambridge University Uzbek Society һәм Cambridge University Azerbaijan Society тарафыннан оештырылган «Нәүрүз» бәйрәм ителде. Нәүрүзне бәйрәм итүгә татарларны да чакырдылар.
Катнашучыларга һәм кунакларга «Бөекбритания Татарлар Ассоциациясе» тарафыннан тәкъдим ителгән татар халыгының бай мәдәнияте һәм тарихы белән танышу кызык иде. Шулай ук җырчы Изидә Галимованың «Кыр казлары ортыннан», «Авылым тавышлары», «Туган җиремә» һәм инглиз телендә «Memory» җырлары белән чыгышы бик ошады.